Elustronkoak
jueves, 12 de noviembre de 2015
Sekuentzia Didaktikoaren programazio orokorrak
Etiquetas:
curriculum,
ebaluazio irizpideak,
edukiak,
elustronkoak,
helburuak,
idazketa,
informazioa,
irakurmena,
prozesua,
sekuentzia didaktikoa,
ulermena
miércoles, 28 de octubre de 2015
Ahozko Hizkuntza
Ondorengo lerroetan, gure taldeak
indentifikatutako formatuen deskribapenak biltzen ditugu, puntuka jasoz
irakurlearen erosotasuna eta testuaren ulergarritasuna bilatzeko nahiarekin.
1. formatua: ahozko hizkuntza gelako
elkarrekintzetan
Ahozko hizkuntzaren eremua zabal samarra
da. Gaur egun ahozko hizkuntzaren irakaskuntzak dauzkan paradigmak honakoak dira
Rabal (2004:14) autorearen ikuspegitik:
Hasteko, ahozko hizkuntzaren sintaxia
aztertzen duen paradigma daukagu. Jarraitzeko, ahozko hizkuntzaren
testu-generoak aztertzen dituen paradigma. Ondoren, ahozko hizkuntza curriculumeko
ikaskuntzaren zerbitzura dagoen zeharkako tresna gisa ikusten duen paradigma
eta amaitzeko kortesiari dagokion ahozko hizkuntzaren esparrua. Hauez guztiez
aparte, Bouchard autoreak (2004) beste bat aipatzen du, arrisku egoeran gertatzen
diren komunikazio praktikei deritzona.
Hau esanda, ahozko hizkuntza objektu
bezala landu behar da, beraz, honekin batera testu generoak lantzen dituen
paradigma egokia da. Honetaz aparte, eskolako curriculuma elkarrekintzan
ikasten dela eta hizkuntza hauen arteko bitartekari bihurtzen dela aipatu behar
da. Azkenik, curriculuma ikasi bitartean instrukzio hizkuntza ikasi behar duten
ikasleak egon behar dira eta alderantziz.
Hortaz, hiru paradigma hauetan kokatzen
da.
2. formatua: ahozko hizkuntza
objektu gisa: testu generoak
Irakasleek hainbat arazo
edukitzen dituzte ahozko hizkuntza irakasteko orduan ez dakitelako zer modutan
landu. Idatzizko hezkuntza lantzeko, testu moldeei buruz hitz egiten diete
ikasleei, hala nola, errezeta, ipuina, gutuna, etab. baina berdina egin
dezakete ahozkoa irakasteko, hau da, ahozkoa irakasteko ere molde batzuk daude,
ez baita berdina lagun artean hitz egitea edo hogei pertsonen aurrean diskurtso
bat ematea. Molde horien artean hauek aurkitzen ditugu: azalpenak, kontaketak,
txisteak, antzerkiak, iragarkiak, bertsoak, etab.
Aipatzekoa da, ikasle bat
ahozko erregistro batean nabarmentzen denean, bertsoetan adibidez, irakasleak
uste izaten du ahozko beste moldeetan ere nabarmenduko dela, baina ez da
horrela. Molde batean nabaritzen denean trebetasun batzuk eskuratu dituelako
izan da, baina ez dira berdinak bertsoetan erabiltzen diren trebetasunak eta
hitzaldietan ematen diren trebetasunak.
Nahiz eta ahozko molde batean
trebea izan, umeak askotan akatsak egiten dituzte eta horiek ezin dira zuzendu,
baina ahozkoak duen abantaila bat akats hori birformulatu daitekeela da,
ondoren ondo esateko. Ahozko moldeen beste ezaugarri bat, ekoizpenean pertsona
bat edo gehiago egon daitezkeela inplikatuta da.
Amaitzeko esan beharra
dago, ahozko testuetan ez direla hitzak bakarrik lantzen, espazioaren kudeaketa
eta hitz egiten ari denaren kokapena ere landu egiten dira adibidez.
3. formatua: ahozko hizkuntza
irakasgai guztietan, esanahiak negoziatzeko eta ezagutzak eraikitzeko
Formatu honetan elkarrizketak ikasteko
momentuan daukan botereari buruz hitz egiten da, non irakaslea aldaketak bat
sortu behar duen estrategia berrien erabilerarekin.
Askotan irakasleak ikasleak oso
erantzun labur edo sinpleak ematen dituztelako kexatzen dira, eta gertatzen
dena irakasleak bera ez diela gehiago egiten uzten da; izan ere, klasean hitz
egiteko daukaten momentu bakarra beste ikasleen aurrean zerbait aurkeztu behar
dutenean da. Horrela ezinezkoa da ikaslea gustura egotea hitzaldi bat eman
behar duenean.
Horretaz aparte, ikasle batek landutako
materia ikasi duen ala ez jakiteko estrategia aldatu behar da, galdera
zaparrada alde batera utziz eta ikasleen arteko elkarrizketa sustatuz. Elkarrizketa
honekin ikasleak beste pertsonen haurrean hitz egitera ohituko dira eta ikasi
beharrekoa hobeto barneratuko dute, gainera honi esker errezago egingo zaie
ikasleei materia guztia barneratzea eta, horrela, ikastea haien arteko
informazio eta iritziak alderatuz.
4. formatua: ahozko hizkuntza
curriculumaren bidez eta curriculuma hizkuntzaren bidez
Murgiltze egoeretan beharrezkoa egiten
da arloari buruzko ezagutzak eraiki ahal izateko hizkuntza alderdietan arreta
jartzea. Hizkuntzak arloko ezagutzak bideratzen dituen heinean, ulermena
ezagutzaren eraikuntza aurreko baldintza bezala kontsideratu dezakegu.
Hizkuntza eta curriculumeko arloak
integratzeko beharrezkoa egiten da ikaskuntza negoziatzeko testuinguruak
sortzea, hau da: hizkuntza edukien esanahia eta forma negoziatzeko. Arlo bateko
edukien planifikazioan kontuan hartu beharko dira ezagutza berrien ulermena,
azalpena eta eraikuntza ahalbidetzen dituzten hizkuntza edukiak. Halaber, arloetako
edukiak hizkuntza gaiak lantzeko erabiltzen saiatu behar gara, ahozko zein
idatzizko ikasleen komunikatzeko moduan agertzen diren hutsuneak bete ahal
izateko. Horrela, ikasleen ulermen maila edozein arlotan altua izatea lortzen
da.
Murgiltze ereduetan ikasleek eduki
zientifikoez eta eduki hauetaz hitz egiteko erabiltzen den hizkuntza
zientifikoaz jabetu behar dira. Beraz, ahozko hizkuntza curriculumaren bidez
landu behar dugu eta aldi berean curriculumaren edukiak hizkuntzaren bitartez.
DOLZ: mintzamena eta ahozko
adierazpena
Oso garrantzitsua da ahozko adierazpena
umeetan lantzea. Bai indibidualki zein sozialki, gaitasun hau funtsezkoa da
eskola eta gizarteko edozein esparrutan murgildu eta garatu ahal izateko.
Ahozko hizkuntza klasean lantzeko
pausurik garrantzitsuena hizkuntzarekiko jarrera izatea da, eta hau positiboa
izanik, hizkuntza garatzeko ahalmena areagotzen da, mota askotako jarduerak
eginez, mintzamenaz aparte.
Bestalde, irakasgaiak hizkuntza
ezberdinetan lantzeak berebiziko rola hartzen du, hizkuntza horietako gaitasuna
edukiak landuz garatzen baita.
Mintzamenaren aldetik, ez da izaten
nahikoa hau erabiltzearekin, baizik eta honen irakaskuntza ere, dauzkan alderdi
desberdinak kontuan hartuta, garatu behar da. Mintzamenaren lanketa gauzatzeko
beste alde garrantzitsu bat irakasleen prestakuntza da. Hauek etengabe hezi
behar dira, ahozko adierazpenaren garapen egokia gerta dadin. Horrez gain,
irakasleen arteko koordinazioa ezinbestekoa da, batez ere hizkuntzen irakasleen
artean.
Euskara zein bestelako hizkuntzak
garatzerako orduan, eskolak ez ezik kanpo faktoreek ere rol handia jokatzen
dute, eta horiek aprobetxatu behar dira hizkuntza desberdinetan ahozko
adierazpena lantzeko.
Euskararen aldetik, ahozko adierazpena
ez ezik idatzikoa ere landu behar da; azken batean, egokiena alderdi guztiak
lantzea da, hori baita euskararen irakaskuntzak gaur egun aurrez aurre duen
erronkarik nagusiena.
Montserrat Fons. Lehenengo irakurketarako 10 GILTZARRIAK:
1. Haurrak mundu letratu batez inguratzea.
2. Teknika desberdinak erlazionatu.
3.Irakurketa ozenaren abantailak.
4.Ikasleak elkarrekin testuak idaztea
5.Idatzizko eta ahozko erlazioak.
6.Irakurtzen ikasten esperimentazioaren bitartez.
7.Idazketa eta irakurketa, denbora behar duten prozesua.
8.Umeen esfortzua positiboki baloratzea.
9.Hizkuntzaren erabilerak gizartean.
10.Irakurketaren txertapena egunerokotasunean.
jueves, 22 de octubre de 2015
miércoles, 14 de octubre de 2015
Irakurriaren ulermenaren ebaluazioa
Lan honetan irakurriaren ulermena ebaluatzeko erabiltzen
diren galdera eredu desberdinak Lehen Hezkuntzako 4. mailako testuliburu baten
ikasgaitik hautatutako testu batean identifikatuko ditugu. Agertzen ez diren
galdera motak, ordea, guk osatuko ditugu “Ikastetxeen kanpo eta barne
ebaluazioetarako orientabideak” dokumentuaren erreferentzia kontuan hartuz.
Hona hemen aztertutako irakurgaia:
Irakurrriaren ulermena ebaluatzeko galderak
Informazioa berreskuratzea
Testua hitzez hitz ulertzeko
galderak:
1) Erantzun galderei koadernoan:
·
Kakalardo
izeneko nekazaria benetan igarlea zen?
·
Kakalardok
ba al zekien non zegoen Erregearen eraztuna?
·
Zergatik
egin nahi zuen ihes?
·
Nork
zeukan Erregearen eraztuna?
Informazioa baliokidea
bilatzeko galderak:
4) Kopiatu eta osatu ipuinaren amaiera hitz egokiekin.
Erantzuna ikustean, Erregeak ______ handia eman zion
igarleari. Baina, bat-batean, _____ bat ikusi zuen ______ eta eskuan hartu
zuen. Gero, _____ zer zeukan galdetu zion igarleari. Igarleak, Erregek
harrapatu zuela pentsatuz, berari buruz hau esan zuen "______, Erregeren
esku zaude". Eta Erregek, eskuan zer zeukan igarri zuelakoan are _______
gehiago eman zion.
Testua ulermen globala
Ideia nagusia edo gaia
zehazteko galderak:
5) Idatzi ipuinaren laburpena koadernoan. Kontatu
labur-labur igarlearen istorioa.
Testu baten asmo orokorra
identifikatzeko galderak (asmatutakoa):
Zein da istorio honen irakaspena? Hautatu erantzun bakar
bat.
·
Gezurrek
zailtasunak sortzen dituzte.
·
Gezurrak
esatea ona da.
·
Lapurrek
beti irabazten dute.
Testu baten erabilera orokorra
identifikatzeko galdera
(asmatutakoa):
Irakurritako testua zein liburu motatan aurki daiteke?
Hautatu erantzun bakar bat.
·
Inguruneko
liburuan.
·
Atlas
batean.
·
Hiztegi
batean.
·
Hizkuntzako
narrazio liburu batean.
Interpretazioa
Informazioa erkatzeko eta
kontrastatzeko galderak:
3) Aztertu irudiak eta azaldu ipuineko zein pasarteari dagozkion.
A) B) C)
Ondorioak eta inferentziak:
7) Aukeratu ipuinaren jarraipena. Egin igarlearena eta
azaldu.
·
Zer
gertatu zitzaion gero Kakalardori?
·
Hain
ospetsua zenez, jende askok jotzen zuen berarengana.
·
Egun
batean, norbaitek iruzurti hutsa zela ikusi zuen.
Laguntza
probak indentifikatzeko galderak:
2) Aukeratu. Zergatik esaten zuen kakalardok
honako hau? "Hementxe da lehenengoa. Orain, beste bien zain nago".
·
Bazekielako
lapurra ate ondoan entzuten ari zela.
·
Oilarrak
beste bi kukurruku jotzeko zain zegoelako, ihes egiteko.
Testuaren edukiari buruzko hausnarketa eta testuaren
baliospena
Munduaren gaineko jakintza
bera kontrastatzeko galderak (asmatutakoa):
Zergatik zuten beldur zerbitzaileak?
·
Eraztuna
lapurtu zutelako.
·
Igorlea
itsusia zelako.
·
Oilarra
kukurruku egiten zuelako.
Beste iturri batzuetatik
eskuratutako jakintzak kontrastatzeko galderak (asmatutakoa):
Gure gizartean legez debekatuta dago lapurtzea. Zure ustez,
egokia izan da zerbitzarien jokabidea? Zergatik?
Galderan agerian utzitako ideiekin
kontrastatzeko galderak
(asmatutakoa):
6) Azaldu. Gustatu al zaizu ipuina? Zergatik?
Testuaren formari bueuzko hausnarketa eta testuaren
baliospena
Testuaren egiturari buruzko galderak (asmatutakoa):
Testu guztietan hiru atal bereizi daitezke: hasiera,
korapiloa eta amaiera. Ondorengo esaldiak zein ataletan sartuko zenituzke?
·
Eraztuna
zerbitzariek lapurtu zuten.
·
Kakalardo
txiroa zen.
·
Kakalardo
gela batean giltzapetu zen.
·
Kakalardok
diru asko jaso zuen.
Testuaren estiloaren eta erregistroaren
gaineko galderak (asmatutakoa):
Hurrengo pertsonaietatik zeintzuk daukate jarrera hoberena
eta zeintzuk txarrena? Zergatik?
·
Zerbitzaria.
·
Erregea.
·
Kakalardo.
miércoles, 30 de septiembre de 2015
jueves, 17 de septiembre de 2015
Kontzeptuak
1. Ikasteredu elebidunak:
Gizarte
elebidunaz hitz egiten dugunean, bi hizkuntza aldi berean erabiltzeko gai den
gizarte bati deritzogu. Hala ere, bi hizkuntza hauek ez dira maila berean egon
behar, orokorrean mailen arteko desorekak aurkitzen ditugu.
Ikasteredu
elebidunak hizkuntza bietan gaitasun-maila egokia lortzeaz arduratzen da.
Euskal Herrian, 1983ko elebitasun dekretutik aurrera, hiru ikasteredu desberdin
legeztatu ziren: A, B eta D. Eredu hauek biztanleriaren eskaerak asebetetza
helburu bezala daukate. A ereduan ikasgai guztiak gazteleraz lantzen dira,
euskara ikasgai bakar batean landuz (%10); B ereduan, berriz, euskara eta
gaztelera portzentai berberean erabiliak dira, euskara eta beste ikasgai batzuk
euskaraz emanez; eta D ereduan, azkenik,
ikasgai guztiak euskaraz ematen dira (%90), gaztelania izan ezik.
“Hizkuntza bi (edo gehiago) erabiltzea
ikas-irakasbide gisa ikasle baten eskola ibilbidean” (Cummins, 2010)
2. Ereduen ebaluaketa: kuantitatiboa eta
besterik?
Alde
batetik, eredu kauntitatiboa daukagu; honek, euskarak eskolan izan behar duen
lekua, gaiak edo ordu kopuruak aztertzen dituena. Hau da, zein den euskararen
erabilera maila.
Beste
alde batetik, eredu kualitatiboa agertzen da; kuantitatiboan ez bezala,
ebaluazio kualitatiboa pertsonek ereduen bitartez (A, B eta D ereduak)
eskuratzen duten gaitasun edo hizkuntz mailan oinarritzen da. Egindako ikerketen arabera, Gaztelania eta
Euskara elkartuz, D ereduan eskuratzen den hizkuntza maila, bai euskara mailari
bai gaztelania mailari dagokionez nahiko parekoa da; hau da, nahiz eta ikasgai
gehienak euskaraz landu gaztelania maila ez da galtzen.
3. Murgiltze programa edo eredua:
Ama
hizkuntza ez den beste hizkuntza batean ikaskuntza lantzea da. Eredu honetan,
inkontzienteki bigarren hizkuntza bat ikasiko da lehenengoa galdu gabe. Honen
adibide argiena ama hizkuntzaren ikaskuntzan ikusi dezakegu, umeak garenean
hizkuntzari eta eginkizunari arretarik jarri gabe ikasten dugunean egoerak eta
inguruak bultzatuta.
4. Hizkuntzen irakaskuntza bateratua:
Cumminsen
hipotesian oinarrituta, hizkuntza ezberdinak irakasterakoan, hizkuntza
bakoitzean landu beharreko edukiak komunean izatea proposatzen da. Izan ere,
hizkuntza batean ikasitakoa beste hizkuntzetara transmititzen daiteke
Honen
helburua ez da ikasi beharreko hizkuntza bakoitzean elebakarrek duten gaitasuna
lortzea, baizik eta hizkuntza bakoitzean gizarte beharrizan jakin batzuei aurre
egiteko adinako gaitasunak lortzea.
Adibidez,
Euskaraz testuaren ezaugarriak landu baditugu, ez da beharrezkoa izango
gaztelania gai bera hain sakon lantzea.
5. Sakoneko gaitasuna (CUP). Hizkuntzen arteko
interdependentzia:
Cumminsen
“common underlying proficiency” hizkuntzak ikasterakoan komunak izaten diren gaitasun kognitiboen eta akademikoen
bilkurari deritzo. Horrela azaldu daiteke nola hiztun elebidunek bigarren
hizkuntza bat ikasten dutenean lehenengoan lortutako gaitasunak aplikatu
ditzakete. Beraz, ondoriozta dezakegu, hizkuntza bakoitzaren ezaugarriak
azalekoak direla, eta hauen azpian, sakoneko gaitasun komuna dagoela.
6. Hizkuntzen
arteko interdependentzia:
Interdependentzia ezaugarri
psikolinguistiko bat da, zeinak hizkuntza bi dakizkigunean, hizkuntza batean
bereganatzen ditugun ezagutzak bestera transferitzen direla esaten
duen.Transmititzen diren kontzeptu hauen artean, ezaugarri linguistikoak,
egitura diskurtsiboak eta hizkuntzarekin zerikusia duten beste zenbait gaitasun
daude; hala nola, irakurri, idatzi..
7.
Atalasaren hipotesia:
Cumminsek,
atalasaren hipotesian azaltzen du nola pertsona elebidun batek, menperatzen
dituen bi hizkuntza horietako batean behintzat, pertsona elebakar batek
menperatzen duen hizkuuntzan (oinarrizko atalasea) duen maila bera lortu behar
duela. Pertsona elebidunak bi hizkuntzatan maila hori lortzen badu, atalase
gorenean egongo da, eta abantailak izango ditu bai errendimenduan, bai
bestelako ezagutzak barneratzean.
8.
Elebitasun gehitzailea
Ikasle
batek, hizkuntza berri bat ikasterakoan, bere hizkuntzari kalterik eragin gabe,
hizkuntzen aurreko jarrerak positiboak izaten dira. Horri elebitasun gehigarria
deitzen zaio, non, ama-hizkuntza jakin bat duen ikasleak beste hizkuntza bat
ikasten duen eskolan, eta positiboki ikusten du, ez mehatxu bat bezala.
Elebitasun
kengarrian aldiz, egoera erabat desberdina da. Prestigio txikiko taldeari
hizkuntza indartsu bat ezartzen zaio, hizkuntza ahularen balio sozio-kulturakak
gutxiesten direlarik. Kasu honetan, bigarren hizkuntza hori lehenengoaren
kaltean ikasten da, horrek segurtasun falta eta ikasteko bidea oztopatzen
dutelarik. Mehatxu moduan ikusten da hizkuntza indartsua egoera honetan.
9.
Vygotskiren ekarpenak:
Autore
honek bi ekarpen nagusi egin zituen; alde batetik eremu hurbileko garapena deritzon ideia garatu zuen. Ikasleek haien
kabuz ikasi ditzaketena eta gidari baten laguntzaz lortu dezaketenaren artean
dagoen desberdintasunean aurkitzen dugu garapen
hurbileko eremu hau. Beste alde batetik, ikasleak gizabanako bakoitzak
bezala, berez duen adimenari esker,
ingururnetik edozein egoerari aurre egiteko baliabideak erabiltzeko gai da. Hau
ez da indibidualki garatzen baizik eta eskolak, giroak, ohiturek eta bestelako
faktore sozialei esker lortzen du.
10.
Testu generoa. sekuentzia
didaktikoa: Hizkuntzen erabilera irakasteko orduan, testu-generoak
proposatzen dituzte irakas objektu modura, ikasleari gizarteko hizkuntza
jardueretan parte hartzeko aukera ematen diolako. Testu-generoak denboran zehar
egonkortu diren hizkuntza erabiltzeko moduak dira. Irakasteko baliabide zehatz
bat sekuentzia didaktikoak dira. Helburua testu-generoen erabileraz jabetzea
da; esate baterako, testu-genero bat zein egoera komunikatibotan erabiltzen den
irakasteaa. Genero horren ezaugarri testual-diskurtsiboak lantzeaz gain,
jarduerak dituen ezaugarri gramatikalak ere lantzen dira, gramatika arauak
ezinbestean errespetatu behar baitira testu/diskurtsoen funtzionamendurako.
Ikasleei zentzu komunikatibo osoa duten proiektuak aurrera eramateko proposatzen
zaie.
11.
Zer da 5 eta 8 urte bitartean
ikasten dena?
Zortzi
urterekin lortutako gaitasuna ipuinak kontatzerakoan askoz handiagoa da 5
urterekin daukatena baino. Bost urterekin kapazak dira ekintzen aipamen
zehatzak egiteko, harridura markak erabiltzeko eta kontalariaren eta
pertsonaien ahotsak desberdintzeko. 8 urterekin, aldiz, espazioa, denbora,
berbaldia eta edukiak zehaztuta daude, aditzen deborak egokitzen dira eta
mekanismo formalagoak erabiltzen dira. Hala ere, biak kapazak dira ipuin egokiak
lantzeko, eta umeen arabera desberdintasunak ikus ditzakegu, 5 urteko ume askok
ipuin zehatz eta landuak egiteko gai dira eta.
12. Hizkuntzen irakaskuntza bateratuaren zenbait oinarri:
Irakaskuntza bateratua ikuspegi
koordinatu eta koherente batean zentratzen da, baztertuz hizkuntza bakoitza era
bakartuan eta isolatuan irakastea. Irakaskuntza honen helburua eleaniztasuna
lantzea da, eta ikasleek beraien ama-hizkuntzaz aparte, atzerriko hizkuntzak
eta herrialde elebidunetan dauden
hizkuntzak ikastea da. Ikasten duten hizkuntza hauen komunikatzeko gaitasuna
lortu behar dute, eskolatik kanpo erabili ahal izateko, eta ez elebakarrak hitz
egiten duten moduan ikasteko.
Suscribirse a:
Entradas (Atom)